Bıyl ÚEU úshin memlekettik tapsyrys 8 mlrd. teńgege deıin ulǵaıtyldy - A.Muhamedıuly
ASTANA. QazAqparat - Aǵymdaǵy jyly úkimettik emes uıymdar úshin memlekettik tapsyrys kólemi 8 mlrd. teńgege deıin ulǵaıtyldy. Bul týraly búgin Qazaqstan Respýblıkasynda 2006-2016 jyldarǵa arnalǵan genderlik teńdik strategııasyn iske asyrýdyń aldy ala qorytyndylaryna arnalǵan halyqaralyq konferentsııa barysynda elimizdiń Mádenıet jáne sport mınıstri Arystanbek Muhamedıuly aıtty.
«100 naqty qadam» Ult josparyn júzege asyrý aıasynda Premer-Mınıstrdiń tapsyrmasymen 2016-2020 jyldarǵa arnalǵan memleket pen úkimettik emes uıymdardyń ózara is-qımylyn damytýdyń ulttyq jospary bekitildi. Ulttyq jospardy júzege asyrý 2016 jyly memlekettik áleýmettik tapsyrysty qarjylandyrý kólemin 23 paıyzǵa ulǵaıtýǵa múmkindik berdi. Bul 8 mlrd. teńgeden astam qarjy», - dedi mınıstr.
Onyń atap ótýinshe, genderlik saıasatty júzege asyrýda memlekettik organdardyń Úkimettik emes uıymdardyń ózara is-qımyly eń birinshiden, áleýmettik jobalar sanynyń artýyna yqpal etedi. Máselen, 2012 jyly bul salada 73 mln. teńgege 62 joba júzege asyrylsa, 2016 jyly 200 mln. teńgeden astam qarjyǵa 160 jobany iske asyrý kózdelýde. Ekinshiden, strategııany júzege asyrý aıasynda elimizde Áıelder kóshbasshylyǵy mektebiniń jelisi quryldy. Búginde onyń qataryna elimizdiń barlyq óńirin qamtıtyn 69 ÚEU kirip otyr.
«Úshinshiden, Qazaqstanda otbasyndaǵy genderlik teńdikke qol jetkizý, otbasyn nyǵaıtý, otbasyndaǵy tárbıe rólin arttyrý maqsatynda Otbasy kúni belgilengen. «Mereıli otbasy» baıqaýy da aıryqsha tanymaldyqqa ıe boldy», - dedi A.Muhamedıuly.
