Bıyl UBT-nyń ortasha baly 2,6 paıyzǵa kóterilip, 79,5 baldy qurady - QR BǴM
ASTANA. QazAqparat - Ulttyq biryńǵaı testileý engizilgennen bergi aıqyndalǵan jaǵymdy jańalyqtardyń biri qazaq jáne orys tilindegi bilim sapalary teńesip qaldy.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda Bilim jáne ǵylym mınıstrliginiń Bilim berý men ǵylym salasyn qadaǵalaý komıtetiniń tóraǵasy Saıat Núsipov málim etti.
Komıtet tóraǵasynyń aıtýynsha, Ulttyq biryńǵaı testileý arqyly «Altyn belgige» 4 myń 397 úmitkerdiń 52 paıyzy ózderiniń deńgeıin rastady. Bul kórsetkish byltyrǵy jyly 42,2 paıyz bolatyn. 2 myń 205 bala «Altyn belgisin» rastaǵan.
«Bıyl UBT boıynsha ortasha ball 2,6 paıyzǵa kóterilip, 79,5 baldy qurady, bul kórsetkish byltyr 76,9 paıyzdy quraǵan bolatyn. Ulttyq biryńǵaı testileý engizilgennen bergi taǵy bir jaǵymdy jańalyq qazaq jáne orys tilindegi bitirýshilerdiń bilim sapalarynyń aıyrmashylyǵy jaqyndaı tústi. Bul bir ǵana paıyzdy quraıdy jáne teńesti deýge de bolady. Byltyrǵy jyly bul aıyrmashylyqtyń arasy jeti paıyz edi, sondyqtan da qazaq tilindegi mektep sany ǵana emes, sapasy da artyp kele jatyr. Bul - biz úshin asa qýanyshty jaǵdaı», - dedi S. Núsipov.
