Bıyl turmystyq zorlyq-zombylyq jaıynda 125 myńnan astam habarlama boldy

NUR-SULTAN. QazAqparat – Jyl basynan beri turmystyq zorlyq-zombylyq jaıynda 125 myńnan astam shaǵym men habarlama kelip tústi. Bul týraly QR Іshki ister mınıstrligi Ákimshilik polıtsııa komıteti basqarmasynyń basshysy Jasulan Baıkenov aıtty, dep habarlaıdy QazAqparat tilshisi.

«Zorlyq-zombylyq - bul daýly áleýmettik problema, óıtkeni ol qurbandardyń ózderine tikeleı áser etip qana qoımaıdy, sonymen birge qoǵamdy turaqsyzdandyrady, áleýmettik tártipke qaýip tóndiredi. Zorlyq-zombylyqtyń eń kóp taralǵan túrleriniń biri - turmystyq zorlyq-zombylyq. Jyl basynan beri turmystyq zorlyq-zombylyq jaıynda 125 myńnan astam shaǵym men habarlama kelip tústi», - dedi J. Baıkenov onlaın brıfıngide.

Onyń aıtýynsha, osy faktilerdi qarastyrý kezinde 9 645 adamǵa qatysty sot olardyń tártibine erekshe talaptardy bekitti. 40 myńnan astam adam ákimshilik jaýapkershilikke tartyldy.

«Jábirlenýshilerdiń qaýipsizdigin qamtamasyz etý maqsatynda 70 228 adamǵa qorǵaý týraly nusqaý berildi», - dedi basqarma basshysy.