Bıyl Túrkııada ótýi tıis «Kóshpendiler oıyndary» 2021 jylǵa shegerildi
«Ár eki jyl saıyn ótkiziletin «Kóshpendiler oıyny» bıyl Túrkııada ótkizilýi kerek edi. Alaıda álemdik pandemııasyna baılanysty Túrkııadaǵy uıymdastyrýshydan resmı hat kelip, bul saıystyń kelesi jylǵa qalatynyn habarlady», - dedi QR Ulttyq sport qaýymdastyǵynyń baspasóz qyzmetinen.
Eske sala ketsek 2018 jyldyń qyrkúıeginde III Dúnıejúzilik kóshpendiler oıyndary Qyrǵyz Respýblıkasynda ótken bolatyn. Dúnıejúzilik kóshpendiler oıyndary - túrki áleminiń ortaq qundylyqtaryn álemge pash etip, kóshpendiler murasyn nasıhattaýda úlken joba bolyp kele jatqan sporttyq shara. Eki jyl buryn Ystyq kól aımaǵy Sholpan-Ata qalasynda ótken oıyndarǵa qatysýshylar 37 ulttyq sport túrinen ózara baq synasqan bolatyn. Oǵan álemniń 80 elinen úsh myńǵa jýyq adam qatysqan.