Bıyl Túrkistanda jańa shaǵynaýdan boı kóteredi

TÚRKІSTAN. QazAqparat - 2020 jyldyń sońyna deıin «Túrkistan» áleýmettik kásipkerlik korporatsııasy» AQ Túrkistan qalasynda 25 turǵyn úı kesheniniń qurylysyn aıaqtaýdy josparlap otyr. Bul jóninde korporatsııanyń baspasóz qyzmetine silteme jasap QazAqparat habarlaıdy.

«Túrkistan» ÁKK basshylyǵy men qurylys kompanııalary ókilderiniń qatysýymen ótken jıynda «Syrdarııa» jáne «Arman» turǵyn úı keshenderiniń qurylysyn aıaqtaý máselesi talqylandy. Kelissóz barysynda qurylys salýshylardyń úı qurylysyn aıaqtaý úshin qarjy jetispeı jatqany anyqtaldy. Kezdesý qorytyndysy boıynsha qos tarap qarjylandyrý sharttaryn anyqtap, naqty mehanızmderdi maquldady.

«Satýǵa arnalǵan qurylysy júrip jatqan obektiler alańynyń jalpy kólemi - 58 myń sharshy metr, al jalpy somasy shamamen 10 mlrd teńgeni quraıdy. Jańa shaǵyn aýdan 800-den astam jas jáne kópbalaly otbasynyń bıyl baspanaly bolýyna múmkindik beredi» delingen habarlamada.

Eske sala ketsek, 2019 jyly «Nurly jer» memlekettik baǵdarlamasy aıasynda «Túrkistan – jańa qala» shaǵynaýdanynda 6 turǵyn úıdiń qurylysy aıaqtaldy. Al 2020 jyly 25 kópqabatty úıdi paıdalanýǵa berý josparlanyp otyr.