Bıyl Túrkistanda 1300-ge jýyq páter beriledi
TÚRKІSTAN. QazAqparat – Bıyl Túrkistan qalasynda 1300-ge jýyq páter beriledi, dep habarlaıdy QazAqparat tilshisi.
Óńirlik kommýnıkatsııalar qyzmetinde ótken brıfıngte Túrkistan qalasynyń ákimi Rashıd Aıýpov málim etkendeı, búgingi tańda Túrkistannyń Ákimshilik-iskerlik ortalyǵynda 7 qabatty 24 turǵyn úı (barlyǵy 1452 páter) salynyp jatyr. Onyń 22-iniń (barlyǵy 1296 páter) qurylysy bıylǵy qarasha aıynda aıaqtalmaq.
Buǵan qosa, ıpotekalyq turǵyn úılerdiń qataryn arttyrý kózdelip otyr.
Sonymen qatar, Ákimshilik-iskerlik ortalyqtan 12 qabatty 45 turǵyn úıdiń qabyrǵasy kóterilýde. Sondaı-aq, 7 qabatty 15 turǵyn úıdiń birinshi qabatyn qalaý, 9 qabatty 5 turǵyn úıdiń irgetasyn quıý jumystary júrýde. Atalǵan úılerdi paıdalanýǵa berý 2021 jylǵa josparlanǵan.
«Ótken jyly qurylysy bastalǵan B.Sattarhanov dańǵyly boıyndaǵy «Jelilik saıabaq», «Attraktsıondar saıabaǵy», «Oqýshylar saraıy», «Kongress ortalyǵy», «Jabyq basseıni bar sport saraıy», «Ortalyq stadıon» jáne «Q.A.ıAsaýı murajaıy», «Dramateatr» ǵımarattary aǵymdaǵy jyly el ıgiligine beriletin bolady», - dedi qala ákimi.
Budan ózge, oblys ortalyǵyndaǵy Rýhanı-mádenı ortalyqty abattandyrý maqsatynda iri jobalar qolǵa alynyp, qurylys jumystary júrgizilýde. Atap aıtsaq «Tuńǵysh Prezıdent saıabaǵy», «Q.A.ıAsaýı» kesenesi aýmaǵyn abattandyrý 4 kezeńmen júzege asýda. Qazirgi tańda 1-inshi jáne 2-kezeń boıynsha jumystar aıaqtalýǵa jaqyn.
