Bıyl Túrkistan oblysynyń Tóle bı aýdanyndaǵy 21 eldi mekende joldar jóndeledi
TÚRKІSTAN. QazAqparat - Bıyl Túrkistan oblysynyń Tólebı aýdanyndaǵy 21 eldi mekenniń 28 kóshesinde uzaqtyǵy 42 shaqyrym bolatyn jol jóndeledi, dep habarlaıdy QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Baspasóz qyzmetiniń málimetterine qaraǵanda, atalmysh qurylys jumystary «Avtomobıl joldarynyń jumys isteýin qamtamasyz etý» baǵdarlamasyna joparlanǵan. Jol qurylysyna aýdannyń bıýdjeti esebinen 642 mln. 163 myń teńge qaralǵan.
Sondaı-aq, aýdan boıynsha 5 aýyldyq okrýgtiń 14,4 shaqyrymdy quraıtyn 14 kóshesine tas tóseýge 34,7 mln. teńge qarjy qarastyrylǵan. Budan bólek, «Aýyl - El besigi» jobasy aıasynda Birinshi Mamyr jáne Abaı eldi mekenderinde 17 jobany 345 mln. teńgege qarjylandyrýǵa usynyldy. Al, «Jumyspen qamtý jol kartasy» baǵdarlamasy boıynsha 514 mln. teńgege 9 joba qarjylandyrylmaq.
