Bıyl Túrkistan oblysynda 800 myń sharshy metr baspana paıdalanýǵa beriledi

NUR-SULTAN. QazAqparat – Túrkistan oblysynyń ákimi Ómirzaq Shókeev óńirdegi baspana qurylysy týraly aıtyp berdi, dep habarlaıdy QazAqparat tilshisi.

«Jyl basynan beri qurylys jumystarynyń kólemi 209,2 mlrd teńgeni qurady. «Nurly jer» baǵdarlamasy turǵyn úı qurylysyna úlken qarqyn berdi. 10 aıda 503,1 myń sharshy metr turǵyn úı paıdalanýǵa berilip, byltyrǵy mejeden asty. Bıyl turǵyn úı berý nátıjesi 800 myń sharshy metrge deıin jetedi dep kútilýde», - dedi Ó. Shókeev Ortalyq kommýnıkatsııalar qyzmetinde ótken baspasóz máslıhatynda.

Ákimniń aıtýynsha, 232 turǵyn úı qurylysy tek qana Túrkistan oblysynda júrgizilip jatyr, 42 turǵyn úı qurylysyn tapsyrý josparlanýda.

«Nátıjesinde, 549 kóp balaly jáne áleýmettik osal otbasy baspanamen qamtylady. Al, 2 096 otbasy jeńildetilgen nesıe arqyly páter satyp alý múmkindigine ıe bolady», - Ó. Shókeev.