Bıyl Túrkistan oblysynda 7 myńǵa jýyq turǵyn baspanaly bolady

TÚRKІSTAN. QazAqparat - Túrkistan oblysynda «Nurly jer» memlekettik baǵdarlamasy aıasynda 118 turǵyn úı salynyp jatyr, dep habarlaıdy QazAqparat tilshisi.

Onyń 2026 páteri halyqtyń áleýmettik jaǵynan osal toptaryndaǵy azamattarǵa arnalǵan bolsa, qalǵan 4824 - áleýmettik kredıttik páterler.

Sondaı-aq, Túrkistan qalasynda 20 qabatty eki turǵyn úıdiń qurylysy bastaldy.

- Bul - áleýmettik kredıttik úıler. Odan bólek, ınvestorlar esebinen 18 qabatty bıznes ortalyq salynyp jatyr. Mundaı jobalar buryn-sońdy oblys aýmaǵynda bolmaǵan,-deıdi Túrkistan oblystyq qurylys basqarmasynyń basshysy Toqtar Úsipálıev.

Aıta keteıik, búginde Túrkistan oblysynda bilim salasynda - 81, densaýlyq saqtaý salasynda - 5, ishki ister organy jáne ákimshilik ǵımarattar boıynsha - 4 nysannyń qurylys jumysy júrip jatyr.