Bıyl Túrkistan oblysynda 30-ǵa jýyq bala sýǵa ketip kóz jumdy
TÚRKІSTAN. QazAqparat - Túrkistan oblysynda jyl basynan beri 40 adam sýǵa ketip, qaza tapty. Ókinishtisi, onyń 29-y - kámelet jasyna tolmaǵandar, dep habarlaıdy QazAqparat.
Al, tek jazǵy shomylý maýsymynda sý aıdynynda qaza tapqan 27 adamnyń 20-sy - balalar.
Bul týraly brıfıngte oblystyq TJD bastyǵynyń orynbasary Erik Sarybaev málimdedi.
Klımaty ystyq ońtústik óńirde jazda adamdardyń sýǵa túsýi sáýir aıynan bastalyp, qazan aıyna deıin sozylady.
Tótenshe jaǵdaı qyzmetkerleri tarapynan óńirdegi 176 qaýipti orynǵa 450-ge jýyq eskertý belgisi, 210 aqparattyq stend ornatylǵan.
«Oblys aýmaǵynda tótenshe jaǵdaı qyzmetkerleri aýdandyq, qalalyq jergilikti polıtsııa qyzmetimen birlesip, 3000-ǵa jýyq reıd júrgizdi. Sondaı-aq, eriktilerdi úgit-nasıhat jumysyna tartý belsendi júzege asyrylyp, bul iske 2 136 erikti tartylǵan. Sýǵa shomylý kezinde óz kúshin jete baǵalamaý men balalardyń qaraýsyz qalýy saldarynan qaıǵyly jaǵdaılar bolǵan», - dedi oblystyń tótenshe jaǵdaılar departamenti bastyǵynyń orynbasary Erik Sarybaev.
Aıta keteıik, bıyl respýblıka boıynsha 407 adam sýǵa batyp qaıtys bolǵan.
Óńirde oqys oqıǵanyń aldyn alý maqsatynda keler jyldyń shomylý maýsymynda ózender men kanaldar aýmaǵynan arnaıy shomylý oryndaryn uıymdastyrý kózdelip otyr.
Tótenshelikter osylaısha adam shyǵynyn boldyrmaýǵa múmkindik týatynyna senim bildirdi.
