Bıyl turǵyzylǵan 23 aıaldamany jylý júıesine qosý jumystary júrip jatyr - Astana ákimdigi

ASTANA. QazAqparat - Búgingi tańda Astana qalasynda 180-nen astam jabyq tıptegi aıaldama pavılondary bar, dep habarlaıdy QazAqparat.

Jyl basynan beri elordalyq Kólik jáne jol-kólik ınfraqurylymyn damytý basqarmasy taǵy 23 aıaldama pavılonyn saldy.

«Búgingi tańda merdiger uıym osy aıaldamalardy elektr qýatyna qosý boıynsha jumystar júrgizýde. Jyl sońyna deıin merdiger osy pavılondardyń barlyǵyn jylýmen qamtamasyz etýge mindettenedi», - dep túsindirdi basqarma áleýmettik jelidegi paraqshasynda.

Ázirge bul pavılondarda olardy qosý boıynsha jumystar júrgizilip jatqany týraly habarlandyrý ornalastyryldy.

Jeogilikti ákimdik elorda turǵyndary men qonaqtaryn túsinistikpen qaraýǵa shaqyrdy.