Bıyl turǵyn úılerde gazdy anyqtaıtyn 11 myńnan astam datchık ornatyldy
NUR-SULTAN. QazAqparat – Bıyl turǵyn úılerde gazdy anyqtaıtyn 11 myńnan astam datchık ornatyldy. Bul týraly QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.
«118 myńnan astam ıeliktegi úıdi tirkeýge aldyq, olarda halyqtyń áleýmettik turǵyda osal toptary turady. 15 tamyzdan 15 qyrkúıek aralyǵynda alǵashqy reıdtik sharalardy júrgizdik. 20 qyrkúıekten bastap erterekte ereje buzý fakileri anyqtalǵan nysandardy qaıta qarap shyǵýdamyz. Turǵyndardyń kóbisi talaptardy oryndap jatyr, osy oraıda peshti ári elektr qurylǵylaryn erejege sáıkes paıdalanýda. Ókinishke qaraı, ıeliktegi 30 myńnan astam úıde turǵyndar tıisti sharalardy jasamaǵan. Sondyqtan tıisti aqparatty barlyq atqarýshy organdarǵa joldadyq. Olar óz kezeginde atalǵan turǵyn úı sektoryndaǵy jaǵdaıǵa nazar aýdarady», - dedi vedomstvo basshysy.
Onyń sózine qaraǵanda, profılaktıkalyq jumystar aıasynda 2019 jyly tútin, ıis pen tabıǵı gaz taralǵan jaǵdaıda habar beretin 90 myńnan astam datchık ornatyldy.
«Ótken jylý berý maýsymynda 18 jaǵdaıda qurylǵylar iske qosylyp, 80-nen astam adam qutqaryldy. Bıyl 11 myńnan astam datchık ornatyldy», - dedi mınıstr.
