Bıyl Transkaspıı kólik baǵdarymen 4 mıllıon tonna júk tasymaldaý josparlanyp otyr
ASTANA. QazAqparat - Jýyrda Ankarada «Trankaspıı halyqaralyq kólik baǵdary» HQ» zańdy tulǵalar birlestiginiń jalpy jınalysy ótip, oǵan «Qazaqstan temir joly» UK» AQ basshysy Qanat Alpysbaev qatysty, dep habarlaıdy QazAqparat ulttyq kompanııanyń baspasóz qyzmetine silteme jasap.
Baspasóz málimetterine qaraǵanda, «Qazaqstan temir joly» UK» AQ basshysy Qanat Alpysbaev Túrkııanyń kólik jáne kommýnıkatsııalar mınıstri Ahmed Arslanmen kezdesti.
Kezdesý barysynda kólik jáne logıstıka salasyndaǵy seriktestikti damytý jaıy talqylandy.
Onyń ishinde Transkaspıı halyqaralyq kólik baǵdaryndaǵy «Orta dálizdi» damytý máselesi qaraldy.
Taraptar 2018 jyly Trankaspıı halyqaralyq kólik baǵdary aýmaǵynda tórt mıllıon tonna júk tasymaldaý, onyń ishinde 15 myń JFE konteınerlik (75 myń tonna) baǵdar josparlaýdy kelisti.
Dóńgelek ústeldegi otyrys barysynda halyqaralyq dálizdegi qyzmetti odan ári damytý, júk tasymalyn toqtalyssyz uıymdastyrý, baǵdarda tarıftik qolaıly ahýaldy jasaý jaılary talqylandy.
Q.Alpysbaevtyń aıtýynsha, Trankaspıı halyqaralyq kólik baǵdary qatysýshy elderdiń belsendiligi nátıjesinde júk tıeý kólemin kóterý, ınfraqurylymǵa jańa júk aǵyndaryn tartýǵa mán berilýi kerek.
«Trankaspıı halyqaralyq kólik baǵdary mýltımodaldyq tasymaldaýdaǵy júk aǵynyn arttyrý, monıtorıng júrgizý arqyly poıyzdar qıyndyqpen ótetin tustardy anyqtaý, ol jerlerdegi ınfraqurylymdy jańǵyrtý kózdeledi»,-deıdi «QTJ» UK» AQ basshysy.
Qanat Alpysbaev «Túrik temir jolynyń» bastamashylyǵymen Trankaspıı halyqaralyq kólik baǵdaryna kirýin mańyzdy qadam retinde atap ótti.
«QTJ» UK» AQ basshysy qatysýshy elderdiń birlesken jańa baǵdardaǵy logıstıkalyq qyzmet túrlerin jaqsartý, tarıftik jeńildikterdi barynsha básekelege saı etip jasaqtaýǵa baǵyt ustaldy.
Otyrysta Trankaspıı halyqaralyq kólik baǵdary 2018 jylǵa arnalǵan tarıftik mólsherleme jaıy, 2018 jyly Baký-Tbılısı- Kars jańa temirjol jelisiniń qosa alǵandaǵy áleýetin talqylap, bekitti.
