Bıyl Transkaspıı baǵyty arqyly júk tasymaldaý 3 ese artty

NUR-SULTAN. QazAqparat – Bıylǵy jeti aı ishinde Transkaspıı halyqaralyq kólik baǵdary arqyly júk tasymaldaý kólemi 3 ese artty. Bul týraly Indýstrııa jáne ınfraqurylymdyq damý mınıstrliginiń «Ashyq saǵat alańy» jobasyna qatysqan «KTZExpress» AQ bas dırektorynyń logıstıka jónindegi orynbasary Aıbek Qapar aıtty, dep habarlaıdy QazAqparat tilshisi.

«2022 jyldyń jeti aıynda tasymaldaý 3 ese artty, bul 845 myń tonna. Ótken jyldyń sáıkes kezeńimen salystyrǵanda 7 esege kóp. Byltyr jeti aıda 311 myń tonna júk tasymaldanǵan edi. Al bıyl eksport 9 ese artyp, 494 myń tonna boldy. Óz kezeginde ımport kólemi 83 ese kóbeıip, 179 myń tonnaǵa jetti. Tranzıt bolsa, 7 paıyzǵa artty», - dedi Aıbek Qapar.

Qosa ketsek, ótken aıda «Qazaqstan temir joly» men Baký teńiz porty yntymaqtastyq týraly memorandýmǵa qol qoıdy. Oǵan sáıkes, endi Transkaspıı baǵyty boıynsha jylyna 4 mln tonna Qazaqstan júgi tasymaldanady.