Bıyl teńge baǵamy qansha paıyzǵa álsiredi
Aıta keteıik, jalpy otyrysta «2018-2020 jyldarǵa arnalǵan respýblıkalyq bıýdjet týraly» QR Zańyna ózgerister men tolyqtyrýlar engizý týraly» zań jobasy talqylanyp jatyr.
«Jyldyń basynan bastap 16 qazanǵa deıin valıýta naryǵynda teńge baǵamy 10,4 paıyzǵa álsiredi jáne bir AQSh dollary úshin 366,86 teńgeni qurdy. Teńgeniń álsireýi syrtqy faktorlarǵa baılanysty boldy. Birinshiden, damyp jatqan elderdiń valıýtalaryna qaraǵanda AQSh dollarynyń kúsheıýi. Ekinshi faktor retinde Reseıge qarsy sanktsııalardy odan ári qatańdatý týraly habarlandyrý yqpal etti. Osyǵan oraı, jyldyń basynan beri reseı rýbliniń álsireýi 15 paıyz boldy», - dedi D. Aqyshev.
Sonymen qatar, ol Ulttyq bank shekarasy, dálizi nemese basqa da ólshemderi joq ózgermeli aıyrbas baǵamy saıasatyn jalǵastyratynyn atap ótti.
«Aldyn ala derekter boıynsha Ulttyq banktiń altyn valıýta rezervteri 30 mlrd AQSh dollaryn, Ulttyq qordyń aktıvteri 56,3 mlrd AQSh dollaryn qurady. Halyqaralyq rezervterdiń jalpy kólemi 86,4 mlr AQSh dollaryna jetti», - dep naqtylady UB basshysy.
Eske sala keteıik, Ulttyq bank ınflıatsııanyń ósýine jol bermeý úshin shara qabyldady.