Bıyl temirjol salasynda 265 oqıǵa boldy
NUR-SULTAN. QazAqparat - Elimizde bıylǵy birinshi toqsanda temirjol salasynda 2 apat boldy. Barlyǵy 265 oqıǵa tirkeldi, dep habarlaıdy QazAqparat tilshisi.
QR Indýstrııa jáne ınfraqurylymdyq damý mınıstrliginiń málimetine sáıkes, kóliktik baqylaý organdary osy kezeńde óz qyzmetin temirjol kóliginde júzege asyratyn 25 kásiporynǵa tekserý júrgizdi. Onyń ishinde 1800 shaqyrymnan astam magıstraldyq, stansalyq, kirme joldardy jáne 409 jyljymaly quramdy tekserdi. Onyń barysynda temirjol kóligindegi qyzmetti retteıtin normatıvtik-quqyqtyq aktiler talaptarynyń 37 buzýshylyǵy anyqtaldy.
Jol qozǵalysy qaýipsizdigine qaýip tóndirýine baılanysty 50 jyljymaly quramdy, 6 temirjol jáne baǵyttamaly burmalardy paıdalaný toqtatyldy.
«Kóliktik baqylaý organdary 2020 jyldyń І toqsanynda 10,5 mln astam teńge aıyppul óndirdi. Aýmaqtyq kóliktik baqylaý organdary bıyl alǵashqy úsh aıda 250 jolaýshylar poıyzyn jolaýshylardy tasymaldaý erejesi talaptaryna sáıkestigin tekserip, 156 bıletsiz jolaýshy jáne 2125 keli rásimdelmegen júk tasymaldanǵany anyqtaldy», - dep atap ótedi mınıstrlikten.
