Bıyl temirjol salasynda 12,5 myń zań buzýshylyq tirkeldi - mınıstrlik
ASTANA. QazAqparat - Elmizdiń temirjol salasynda jyl basynan beri 12,5 myń zań buzýshylyq tirkeldi, dep habarlaıdy QR Investıtsııalar jáne damý mınıstrliginiń baspasóz qyzmeti.
Baspasóz málimetterine qaraǵanda, Qazaqstanda 2018 jyldyń qańtar-tamyz aılary aralyǵynda kóliktik baqylaý aımaqtyq organdary temirjol kóliginde jumys isteıtin 303 kásiporyndy tekserdi,
Sondaı-aq 8 aı ishinde 3 myń km jol men 8 myń jyljymaly quram tekserilgen.
Inspektorlar 12,5 myńnan astam zań buzýshylyqty anyqtap, nátıjesinde temirjol men baǵyttamalyq burmanyń 1137 birligin jáne 2733 jyljymaly quramnyń jumysyn toqtatty.
Eseptik merzimde 648 jolaýshylar poıyzy tekserilip, 872 bıletsiz jolaýshy men 4 tonna rásimdelmegen júk anyqtaldy.
Tekseris nátıjesi boıynsha 1370 ákimshilik is qozǵalyp, 29 mln teńge aıyppul salyndy.
