Bıyl Táýelsizdik dańǵylyndaǵy Esil ózeni arqyly ótetin avtomobıl kópiri ashylady
«Bıyl Táýelsizdik dańǵylynda Esil ózeni arqyly ótetin avtomobıl kópirin ashamyz. Atalmysh kópirdiń qurylys barysymen tanystym, ol kólik qozǵalysyn edáýir jyldamtady: Táýelsizdik dańǵyly, jańa temirjol vokzaly aýmaǵy, Qoshqarbaev dańǵyly, Nájimedenov kóshesi, Áziret Sultan meshiti, Baıtursynov, Qordaı, Aınakól kósheleri, Momyshuly dańǵyly jáne sol jaǵalaý arasynda qosymsha baılanysty qamtamasyz etedi. Kópir qurylysynyń qarqynyn arttyrýdy mindettedim»,-dep jazdy ákim.
Onyń sózinshe, kólik nópirin jeńildetý úshin jańa kósheler salýdy, jańa joldar ashýdy, jańa kópirler jobalaý jalǵasady.
«Aýdandar men kommýnaldyq qyzmetterge qar kúreý jumysyn kúsheıtýdi tapsyrdym. Aýa raıynyń qubylmalylyǵyn, onyń ishinde temperatýranyń tómendeýin eskerer bolsaq, qozǵalysy qarqyndy ýchaskelerdiń, áleýmettik nysandarǵa kirer joldardyń, trotýarlardyń, aıaldamalardyń jáne t.b. qaryn kúreýge erekshe nazar aýdarý qajet»,-deıdi Jeńis Qasymbek.
