Bıyl tapsyrylatyn mektepter men aýrýhanalar qurylysyna 95 mlrd. teńge bólinbek - Úkimet basshysy
ASTANA. QazAqparat - Sońǵy jyldary mektep oqýshylarynyń oryn tapshylyǵy 26 myńǵa qysqardy. Bul týraly búgin Aqordada Úkimettiń keńeıtilgen otyrysynda Premer-Mınıstr Serik Ahmetov málim etti.
«Bilim salasynda 2010 jyldan beri mektepterde oqýshy oryndarynyń tapshylyǵy 26 myńǵa qysqardy jáne apattyq mektepter sany 65-ke azaıdy», - dedi S. Ahmetov
Onyń sózine qaraǵanda, 2014 jyly densaýlyq saqtaý salasynda 106 nysandy, 35 balabaqshany, 73 mektep pen 21 áleýmettik nysandy tapsyrý josparlanyp otyr. Buǵan bıýdjette 95 mıllıard teńge qarastyrylǵan.
