Bıyl Taldyqorǵan-Úsharal joly aıaqtalady
TALDYQORǴAN. QazAqparat - Almaty oblysynda indetke qaramastan ótken jyly «Jumyspen qamtý jol kartasy» baǵdarlamasy aıasynda 18,8 mlrd. teńgege 487,7 shaqyrym jol jóndeý jumystary júrgizildi, - dep habarlaıdy QazAqparat tilshisi.
Al «Aýyl-El besigi» baǵdarlamasy iske asyrylǵannan bastap 3,2 mlrd. teńgege 97,2 shaqyrym jol jóndelgen. Oblystyq jolaýshylar kóligi jáne avtomobıl joldary basqarmasynyń málimetinshe, bul óńirdegi 240 eldi mekenniń aýylishilik joldarynyń sapasyn jaqsartýǵa múmkindik týǵyzdy. Jyl sońyna qaraı sapasy jaqsy jáne qanaǵattanarlyq joldardyń úlesi 89 % jetedi. Al 2025 jylǵa qaraı bul kórsetkish 95 protsent bolady.
Almaty oblysy ákiminiń baspasóz qyzmetiniń málimetinshe, «Almaty - Óskemen» avtojolynyń «Taldyqorǵan – Úsharal» bóligi, «Úsharal-Dostyq» avtojolynyń rekonstrýktsııasy bıylǵy jyly aıaqtalady. Bul Alakól kóline barýshylar qataryn arttyrýǵa yqpal etpek. Balqash kóliniń jaǵalaýyna baratyn uzyndyǵy 140 shaqyrym jol qaıta jańartylyp jatyr. Kólsaı kóline jetkizetin jol qurylysy aıaqtalǵan. Al Qaıyńdy kóline jetkizetin 12 km joldy jóndeý jumystary bıylǵy jyly bastalady. «Altynemel» Ulttyq parkine deıingi joldy qaıta jańartýǵa jobalyq-smetalyq qujattama ázirlenýde.
