Bıyl talapkerlerge jataqhanalardaǵy oryn avtomatty túrde beriledi
NUR-SULTAN. QazAqparat - 1 maýsymǵa deıin JOO-lar men kolledjder qujat qabyldaýǵa tolyq daıyn bolýy kerek. Bul týraly QR Bilim jáne ǵylym mınıstri Ashat Aımaǵambetov onlaın konferentsııada aıtty, dep habarlaıdy QazAqparat tilshisi.
«Biz qazir qabyldaý komıssııasy úshin elektrondy nusqada kelgen ótinishterdi qalaı óńdep, kelgen suraqtarǵa qalaı birden jaýap berý týraly oqý kýrstaryn ótkizip jatyrmyz. Biz 1 maýsymǵa deıin JOO men kolledjderdiń osyndaı ishki jumystaryn tolyq bitirip, qujat qabyldaýǵa tolyq daıyn bolýymyz kerek», - deıdi QR Bilim jáne ǵylym mınıstri Ashat Aımaǵambetov.
Onyń aıtýynsha, qujattardy elektrondy túrde qabyldaý keń qoldanysqa ıe.
«Kolledjderde tamaqtaný, jataqhanadan oryn alý máselesi bar. Osyndaı qyzmet túrleriniń árqaısysyna bólek-bólek ótinish jazyp, jekeleı qujat jınaý kerek bolatyn. Endi abıtýrıent qujat tapsyrǵannan keıin aqparattyq júıeden onyń áleýmettik mártebesi, meken-jaıy kórsetiledi jáne tamaqtaný qyzmeti men jataqhanadan oryn birdenberiledi», - deıdi ol.
