Bıyl taǵamdyq jumyrtqany sýbsıdııalaýǵa 7,5 mlrd teńge bólindi
Búgin Astanada taýyq jumyrtqasynyń baǵasyn turaqtandyrý máseleleri talqylandy.
Jumyrtqa óndirýshiler qaýymdastyǵynyń málimetinshe, 2022 jyldyń toǵyz aıynda QR qus fabrıkalary 2 mlrd 790 myń dana jumyrtqa óndirgen. Bul 2021 jyldyń toǵyz aıymen salystyrǵanda 7,8 paıyzǵa kóp. 2022 jyldyń qyrkúıeginde ǵana qus fabrıkalary 305,4 mln dana nemese 2021 jyldyń qyrkúıegimen salystyrǵanda 3% kóp ónim óndirdi. Osylaısha, Qazaqstanda taýyq jumyrtqasy óndirisiniń kólemi artýda. Bul kólem halyqtyń ishki qajettiligin qamtamasyz etý úshin jetkilikti.
Málim etilgendeı, kúzde jyl saıyn jumyrtqa baǵasy qymbattaıdy. Bul maýsymdyq sıpatqa ıe, sebebi suranys artady. Óndirýshilerdiń aıtýynsha, qarasha aıynyń basynda baǵalar turaqtandy jáne odan ári ósýi kútilmeıdi.
«Jumyrtqa qus sharýashylyǵyn damytý úshin aýyl sharýashylyǵy mınıstrligi bir basyna 60 teńge mólsherinde táýliktik taýyq satyp alýdy sýbsıdııalaıdy. Sýbsıdııalaý qaǵıdalaryna tolyqtyrýlar engizildi, oǵan sáıkes naqty óndiris úshin jylyna 5 mln danadan bastap danasy úshin 3 teńge mólsherindegi normatıvpen jumyrtqa qunyn arzandatý úshin qoldaý qalpyna keltirildi.
Bıyl taǵamdyq jumyrtqany sýbsıdııalaýǵa 7,5 mlrd teńge bólindi.
Qus sharýashylyǵy uıymdarynyń sýbektilerin memlekettik qoldaý sharalary sheńberinde Aýyl sharýashylyǵy mınıstrligi, salalyq qaýymdastyqtar jáne Qazaqstan qus ósirýshiler odaǵy,»Azyq-túlik korporatsııasy «UK» AQ arasynda memorandým jasaldy. Oǵan sáıkes Azyq-túlik korporatsııasy mal jáne qus sharýashylyǵy sharýashylyqtaryna QQS-pen tonnasyna 117,0 myń teńge baǵamen 150 myń tonna astyq satady (bul naryqtan 30% tómen)», - delingen mınıstrlik habarlamasynda.
