Bıyl syrtqy naryqta tek sapaly astyqqa ǵana suranys bolmaq - A. Kúrishbaev
ASTANA Naýryzdyń 29-y. QazAqparat /Arman Asqarov/ - Ótken jyldan qalyp qoıǵan astyq kólemine qaraǵanda, bıyl syrtqy naryqta tek sapaly astyqqa ǵana suranys bolady. Búgin Úkimettiń selektorlyq keńesinen keıin jýrnalısterge suhbat bergen QR Aýyl sharýashylyǵy mınıstri Aqylbek Kúrishbaev osy máseleni atap ótti,
dep habarlaıdy QazAqparat.
«Sondyqtan bıyl proteıni tómen astyq óndirgender óz taýaryn satý jolynda qıynshylyqtarǵa tap bolady. Osyǵan oraı Úkimet naryqtyq jaǵdaıdy eskere otyryp, joǵary sapaly astyq ónimderin shyǵarǵandarǵa memlekettik sýbsıdııalar berip otyr. Sonyń arqasynda sapaly ónim shyǵarý jumysyna jańasha serpin berilmek», dedi A. Kúrishbaev.
