Bıyl Syr elinde 78,4 myń gektarǵa kúrish egiledi
QYZYLORDA. QazAqparat - Qyzylorda oblysynda kóktemgi dala jáne egin egý jumystaryna ázirlik bastalyp ketti. Oblystyq aýyl sharýashylyǵy basqarmasynyń málimetterine súıensek, bıylǵy jyly óńirde 168,7 myń gektarǵa egis egý mejelenip otyr. Bul týraly QazAqparat HAA tilshisi habarlady.
Onyń ishinde dándi daqyldar 84,5 myń, maıly daqyldar 7,4 myń, maldyń azyqtyq daqyldary 60,1 myń, kartop, kókónis, baqsha 16,7 myń gektardy quraıdy. Negizgi daqyl kúrishtiń kólemi 78,4 myń gektar.
Ústimizdegi jyldyń egisine oblys aýyl sharýashylyǵy taýar óndirýshileri ótken jyldyń kúz aılarynan daıyndalyp, 3 144 gektar kúzdik bıdaı egilip, qazirgi ýaqytta egis jaǵdaıy jaqsy dep baǵalanyp otyr. Sonymen qatar, bıylǵy jyldyń egisine 48,8 myń gektar súdiger kóterildi.
Tuqym daıyndaý jumysyna toqtalsaq, ústimizdegi jyldyń egisine 612 tonna kúzdik bıdaı tuqymy daıyndalyp, egildi. Kóktemgi dala jumystaryna 484 tonna jazdyq bıdaı, 146,5 tonna arpa, 147,5 tonna maqsary, 223,5 tonna jońyshqa jáne kúrishtiń 23 355 tonna tuqymdary quıylǵan.
Daıyndalǵan 23 355 tonna kúrish tuqymynyń - 3 700 tonnasy «Marjan», 5 269 tonnasy - «ıAntar», 11 401 tonnasy - «Lıder», 205 tonnasy - «Anaıt», 445 tonnasy - «KazEr-6», 600 tonnasy - «Novator», 1505 tonnasy - «Favorıt», 225 tonnasy - «Aısáýle», 5 tonnasy - «KazNIIR-5» sorttary daıyndalyp jatyr.
