Bıyl sý tasqyny bolmaıdy dep úmittenemiz - ıÝrıı Ilın
KÓKShETAÝ. QazAqparat - Bıyl sý tasqyny bolmaıdy dep úmittenemiz. Bul týraly búgin Aqmola oblysy aýmaǵyndaǵy Vıacheslavka, Shaǵalaly jəne Birsýat sý qoımalary men Zerendi, Sandyqtaý, Atbasar, Tselınograd aýdandaryndaǵy sý tasqyny qaýpi bar ózenderdiń (Sileti, Esil, Jabaı, Nura) jaǵdaılaryn, sý toraptarynyń tasqyn sýlardy ótkizýge daıyndyqtaryn tikushaqpen teksergen QR ІІM basshysynyń orynbasary ıÝrıı Ilın məlim etti, dep habarlaıdy "QazAqparat" HAA tilshisi.
Tikushaq bortynda vıtse-mınıstrmen birge Aqmola oblysynyń əkimi Məlik Myrzalın, QR ІІM TJK tóraǵasy Vladımır Bekker birge boldy.
Jýrnalısterge bergen suhbatynda vıtse-mınıstr elimizde kóktemgi sý tasqynynyń aldyn alý sharalarynyń barysy týraly aıtyp berdi.
"Biz jospar boıynsha búgin Aqmola oblysy aýmaǵyn, keshe Soltústik Qazaqstan oblysy aýmaǵyn əýeden baqyladyq. Qazirgi jaǵdaıda qar qory kóp. Degenmen aýa raıynyń búgingi jaǵdaıy men Qazgıdromettiń aldyn ala boljamyna səıkes aldaǵy kúnderi kún kúrt jylynbaıdy. Sý tasqynynyń qaterli merzimi onynshy sáýirden bastap, bıik shyńyna jetedi.
Jalpy, Respýblıka boıynsha alatyn bolsaq, barlyq óńirlerdegi bólimsheler tolyq daıarlyqqa kóship otyr. Búgingi tańda jergilikti atqarýshy organdarmen birlesip, sýy bógelip qalatyn ózderdiń boıynda muzdyń keptelisin boldyrmas úshin muzdy jarý jumystary júrgizilýde. Qazir negizgi kúshter Syrdarııa ózeni boıyndaǵy sý tasqynynyń aldyn alýǵa jumyldyrylýda. Sýdyń aǵysyn Aral teńizine deıin baqylaýǵa alyp otyrmyz. Ol jaqta jaǵdaı turaqtalǵan soń, qutqarýshylar men tehnıkalardy Aqmola jəne Soltústik Qazaqstan oblystaryna jiberetin bolamyz", dedi ıÝrıı Ilın.
Sonymen qatar, vıtse-mınıstr aqmolalyqtardyń da sý tasqynyna daıyndyǵy oıdaǵydaı ekenin atap ótti.
"Aqmola oblysynda daıyndyq jergilikti əkimdiktiń jasaǵan jumys jospary men tótenshe jaǵdaılardy aldyn alý sharalaryna səıkes júrgizilýde. Atbasarlyqtardyń tasqyn sýǵa qarsy turýda təjirıbeleri mol. Jalpy, bıylǵy túsken qar erigen kezdegi paıda bolatyn sýdyń deńgeıi 2014 jylmen salystyrǵanda tómen bolady dep boljanýda. Sondyqtan, adamdar zardap shegip, materıaldyq shyǵyn keltirilmeıdi dep úmittenemiz", dedi ıÝrıı Ilın.
