Bıyl sý qoımalaryna 45 mln-ǵa jýyq shabaq jiberildi

NUR-SULTAN. QazAqparat – Bıyldyń basynan balyq sharýashylyǵy sý qoımalaryna 45 mln-ǵa jýyq shabaq jiberildi. Bul týraly Ekologııa, geologııa jáne tabıǵı resýrstar mınıstrligi Balyq sharýashylyǵy komıtetiniń tóraǵasy Narıman Júnisov aıtty, dep habarlaıdy QazAqparat tilshisi.

«Jyl saıyn jas balyqtardyń sý aıdyndaryn jasandy jolmen kóbeıtý jáne balyqtandyrý boıynsha is-sharalar júzege asyrylady. Memlekettik tapsyrys aıasynda bıyldyń basynan balyq sharýashylyǵy sý qoımalaryna 45 mln-ǵa jýyq shabaq ósirilip, jiberildi. Jyl sońyna deıin taǵy 29 mln dana shabaqty, onyń ishinde 7 mln dana bekire shabaǵyn jiberý josparlanǵan», - dedi N. Júnisov Ortalyq kommýnıkatsııalar qyzmetinde.

Onyń aıtýynsha, balyqtardyń mekendeýi men ýyldyryq shashýy úshin qolaıly jaǵdaılar jasaý jónindegi jumystar aıasynda 2018 jyldan bastap 2020 jylǵa deıin Jaıyq jáne Qıǵash ózenderinde balyq júretin kanaldarda sý túbin tereńdetý jumystary júrgizildi. Bul turǵyda osy ózenderde 2018 jylmen salystyrǵanda balyq aýlaý kólemin 30%-ǵa ulǵaıtýǵa múmkindik berdi. Osyndaı jumystardy kelesi jyldary da jalǵastyrý josparlanyp otyr.

Budan buryn habarlanǵandaı, balyq sharýashylyǵyn damytýdyń 2030 jylǵa deıingi baǵdarlamasy aıasynda balyq qsirý qaı deńgeıde artatyny aıtyldy.