Bıyl «Sport kúni» kásibı merekesine 2 mıllıon qazaqstandyq qatysady
ASTANA. QazAqparat - «Qazaqstan Respýblıkasyndaǵy kásiptik jáne ózge de merekeler týraly» QR Prezıdentiniń 2003 jylǵy 15 qarashadaǵy № 1226 Jarlyǵymen tamyz aıynyń úshinshi jeksenbisi, «Sport kúni» kásibı mereke bolyp bekitildi.
Osyǵan oraı 2015 jyly tamyz aıynda respýblıkanyń kóleminde oblystardyń ár aýdanynda 400-den astam iri sporttyq is-sharalar ótkiziledi. Bul týraly QR Mádenıet jáne mport mınıstrliginiń baspasóz ortalyǵy habarlady.
Іs-sharalardy ótkizýdiń basty maqsaty - salaýatty ómir saltyn nasıhattaýǵa baǵyttalǵan. Olarǵa 2 000 000 jýyq adam qatysady dep josparlanýda. Buqaralyq sportty damytýǵa baǵyttalǵan sport aılyǵyna balalar, jasóspirimder, jastar jáne eresekter de qatysa alady.
Atalǵan shara Astana qalasynda tamyzdyń 16 kúni ótkizbek. Al Almaty qalasynda is-sharalar 15-16 tamyz kúnderine josparlanǵan. Respýblıkamyzdyń barlyq aımaǵyn qamtıtyn «Sport kúni» kásibı merekesine arnalǵan is-sharalar keıbir oblystarda búgin bastalyp ketti. Merekelik dodalar 28 tamyzǵa deıin jalǵasady.
Kúnsultan Otarbaı
