Bıyl SQO-da 4,3 mln gektarǵa dándi daqyl sebilmek
SQO aýyl sharýashylyǵy jáne jer qatynastary basqarmasynyń málimetinshe, egis alqabynyń aýmaǵy byltyrǵydaı, tek áleýmettik mańyzy bar qaraqumyqtyń alańy 1,3 myń ga artyp, 10 myń ga qurady, jasymyq alqabynyń aýmaǵy 33,1 myń ga-dan 50,1 myń ga deıin, kúnbaǵystyki 61,6 myń ga-dan 103,3 myń ga deıin ulǵaıtyldy. Kartoptan basqa
sábiz, qyzylsha, pııaz, qyryqqabat, qııar men qyzanaq egilmek.
«Bıyl 2,7 mln ga alqap 170 myń tonna tyńaıtqyshpen óńdeledi. Onyń 125,6 myń tonnasy boıynsha kelisim jasalyp, aqshasy tólendi. Bıyl mıneraldy tyńatqyshty satyp alýǵa jergilikti bıýdjetten 6,5 mlrd teńge, respýblıkadan 4,7 mlrd teńge bólingen. Qosymsha taǵy 5 mlrd teńge qajet.
Tuqym jetkilikti, 453,7 myń tonna kúzde qoımaǵy quıylǵan edi. Bıyl 9,2 %-y nemese 41 746 myń tonnasy jańartylady. Elıtalyq tuqymnyń basym bóligi kórshi Reseıden ákelindi. Tuqym sharýashylyǵyn damytýǵa bıyl 1,6 mlrd teńge bólingen», - deıdi basqarmanyń baspasóz hatshysy Elmıra Sádýaqasova.
Mamannyń aıtýynsha, 13 mamyr óńirde egis naýqany bastalyp, aldymen maıly daqyldar sebilmek. 17 mamyrdan bastap dıqandar dándi daqyldardy egýge kóshedi.
«Aýa raıyna baılanysty kóktemgi egis naýqanynyń merzimi jylda ózgerip otyrady. Bıyl qurǵaqshylyqqa baılanysty osy datalar belgilenip otyr. Dıqandar daıyn, tuqym, janar-jaǵarmaı, tehnıka bar. Egis alqabyna 13 myńǵa jýyq traktor, 15 myńnan astam tuqym sepkish, 1,4 myń zamanaýı egis keshenderi qoldanylmaq. Tek bıyl 17,2 mlrd teńgege 773 aýyl sharýashylyǵy tehnıkasy alyndy. Al kóktemgi dala jumystaryna 71 myń arzandatylǵan dızel otyny bólindi. Onyń lıtri 210 teńgeden aspaıtyn bolady», - deıdi Elmıra Sádýaqasova.