Bıyl Shymkentte jańadan salynǵan 6 mektep paıdalanýǵa beriledi

ShYMKENT. QazAqparat - Shymkentte qazirgi tańda 7 mektep jáne 11 turǵyn úıdiń qurylysy júrgizilýde. Ol úshin respýblıkalyq bıýdjetten 12 mıllıard teńge qaralǵan.

Qurylysy júrip jatqan 6 mektep jyl sońyna deıin paıdalanýǵa beriledi. Bul jóninde memlekettik baǵdarlamanyń oryndalý barysy jóninde ótken májiliste aıtyldy, dep habarlaıdy «QazAqparat HAA tilshisi.

Jıynda sóz alǵan qalalyq qurylys bólimi basshysynyń orynbasary Abaı Turhanovtyń aıtýynsha,  «Nurly jol» baǵdarlamasy aıasynda salynyp jatqan 558 páterli 11 turǵyn úı ǵımaraty aldaǵy qyrkúıek aıyna deıin turǵyndarǵa tapsyrylady. Sondaı-aq qala aýmaǵynda salynyp jatqan káriz júıeleri boıynsha nesıeli qaıtarma negizinde 4 joba qarastyrylǵan. ıAǵnı, «Samal», «Samal-2», «Soltústik-Batys» jáne «Qaıtpas-1» shaǵynaýdandaryndaǵy 19 kóshege káriz júıeleri salynyp, nátıjesinde, 15 695 abonent qajettilikpen qamtylmaq. Tıisinshe, qala aýmaǵyn káriz júıesimen qamtý jumystary 42-den 49,1 paıyzǵa ulǵaıady.
 

Kún tártibinde «Nurly jer» baǵdarlamasy aıasynda atqarylǵan aýqymdy sharalarǵa arnaıy taldaý jasaldy. Atap aıtqanda, bul salaǵa 371 turǵyn úıdiń qurylysy úshin respýblıkalyq bıýdjetten 7,8 mıllıard teńge baǵyttalǵan. Onyń 85-i bıyl paıdalanýǵa beriledi.

Jıyndy qorytyndylaǵan qala ákimi kún tártibindegi máselelerdiń ózektiligine toqtalyp, sala mamandaryna naqty mindetter júktedi.