Bıyl Shymkentte turǵyn úı qorynan 1600-ge jýyq páter beriledi
ShYMKENT. QazAqparat - Shymkentte bıyl 1600-ge jýyq kommýnaldyq páterdiń kiltteri tabys etiledi.
Bul týraly búgin qala ákimi Ǵabıdolla Ábdirahymovtyń tóraǵalyǵymen ótken ákimshiliktiń kezekti jıynynda málim boldy. Basqosýda shym shahardyń turǵyn úı jáne áleýmettik nysandarynyń jaı-kúıi, qurylys jumystarynyń barysy talqyǵa tústi, dep habarlaıdy QazAqparat HAA tilshisi.
Turǵyn úı máselesi boıynsha esep bergen qalalyq qurylys bóliminiń basshysy Tájibaı Egetaevtiń sózinshe, shaharda ótken jyly 60 nysannyń qurylysy júrgizilip, 15 nysan paıdalanýǵa tapsyrylǵan.
Aǵymdaǵy jyly osy salaǵa bıýdjetten 13,5 mlrd. teńge kóleminde qarjy qarastyrylyp, 24 turǵyn úıdiń qurylysy júrgizilýde. Onyń 11-i (558 páter) «Turǵyn úı qurylys jınaq banki» arqyly júzege asady dep josparlanýda. Al jalpy sany 1600 pəterdi quraıtyn 13-i kommýnaldyq (arendalyq) turǵyn úı baǵdarlamasymen paıdalanýǵa beriletin bolady. Buǵan qosa, "Shymkent city" shaǵynaýdanynda toǵyz qabatty 5 turǵyn úıdiń (páter sany - 270) qurylysyn júrgizý úshin memlekettik satyp alýlar konkýrsy jarııalanyp qoıdy.
Jıyn barysynda turǵyn úı kezeginde turǵan azamattarǵa páter berý məselesi de qaraldy. Bul rette qala ákimi Ǵabıdolla Ábdirahymov sala basshylaryna baspanamen qamtý baǵytyndaǵy jumystardy jandandyrýdy tapsyrdy. Qurylysy júrip jatqan turǵyn úılerdiń sapasyn baqylaý úshin arnaıy komıssııa qurýdy jáne "Shańyraq" baǵdarlamasyna erekshe kóńil bólýge nusqaý berdi.
Sondaı-aq, shahar basshysy ınjenerlik-ınfraqurylymdyq júıelerdi júrgizý jumystarynyń atqarylý barysyn ortaǵa saldy. Ótken jyly memlekettik bıýdjet esebinen 6,5 mlrd teńge qarjy qarastyrylyp, Shymkent qalasy boıynsha 12 ınjenerlik júıeniń qurylysy júrgizilgen. Onyń ishinde 3 nysan paıdalanýǵa berildi. Al, 2017 jyly toǵyz nysannyń qurylysyna 5,4 mlrd teńge qarjy qarastyrylmaq.
