Bıyl ShQO-nyń 8 eldi mekenine gaz tartylady
Bul týraly Energetıka mınıstrliginiń bıýdjettik baǵdarlamasynyń jobasynda aıtylǵan.
Baǵdarlama jobasynda 2023 jyly óńirdiń 8 aýylyna gar tartylatyny aıtylǵan. Bul aqsha Zaısan aýdanynyń Daıyr, Kókjyra, Qýanysh, Birjan, Saryterek, Jarsý, Baqasý, Sarjyra aýyldarynda kent ishindegi jáne oram ishindegi gazdandyrý jelilerin salýǵa jumsalýy kerek. Bul maqsatqa 939 mln 950 myń teńge bólý qarastyrylǵan.
Aıta ketý kerek, byltyr Shyǵys Qazaqstan oblysyndaǵy «Tarbaǵataı Munaı» kompanııasyna Qytaıǵa gaz eksporttaýǵa tyıym salynýy múmkin degen málimet taraǵan bolatyn.
Keıin sol kezdegi Energetıka mınıstri Bolat Aqsholaqov Zaısandaǵy gazdy eksporttaý máselesi týraly arnaıy komıssııa qurylatynyn aıtqan.
Sondaı-aq, eks-mınıstr óńirdiń basqa aýmaǵyna gaz jetkizý úshin keminde 5 jyl kerek ekenin aıtqan.
