Bıyl ShQO-ǵa shetelderden 305 qazaq otbasy kóship keldi

ASTANA. QazAqparat - Jyl bastalǵannan beri ShQO-ǵa shetelderden 305 qazaq otbasy kóship keldi.Onyń ishinde Qytaı Halyq Respýblıkasynan 260 otbasy (513 adam), dep jazady altaynews.kz.  

Aǵymdaǵy jyldyń ótken segiz aıynyń qorytyndysy boıynsha, Shyǵys Qazaqstan oblysyna 305 oralman otbasy -595 adam qonys aýdardy.

Onyń ishinde Qytaı Halyq Respýblıkasynan 260 otbasy (513 adam); Monǵolııadan 30 otbasy (60 adam); Ózbekstannan 5 otbasy (7 adam); Aýǵanstannan - 6 otbasy (11 adam); Reseı Federatsııasynan - 4 otbasy (4 adam) kóship kelgen. Kóship kelgen 595 adamnyń ishinde eńbekke qabiletti jastaǵysy - 370, eńbekke qabiletti jasqa deıingileri - 222, zeınetkerler - 3 adam.

Oblystyq jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Ashat Sadırovtyń bergen málimeti boıynsha bıyl oblys aýmaǵyna kóship kelgen oralmandardyń 65 otbasy nemese 99 adam Óskemen qalasyna, 27 otbasy nemese 46 adam Semeı qalasyna qonystanǵan.

Tarbaǵataı aýdanyna 18 otbasy -45 adam, Zaısan aýdanyna 41 otbasy- 79 adam, Kúrshim aýdany 22 otbasy -44 adam, Úrjar aýdanyna 63 otbasy -139 adam, Ulan aýdanyna 32 otbasy -67 adam, Jarma aýdanyna 9 otbasy -17 adam, Zyrıan aýdanyna 1 otbasy -2 adam, Katon-Qaraǵaı aýdanyna 4 otbasy -5 adam, Kókpekti aýdanyna 5 otbasy -12 adam, Besqaraǵaı aýdanyna 6 otbasy -21 adam, Borodýlıha aýdanyna 3 otbasy -6 adam, Kýrchatov qalasyna 2 otbasy -2 adam, Shemonaıha aýdanyna 3 otbasy - 6 adam kóship kelip, qonystanǵan.