Bıyl ShQO-da izdeýde júrgen 40 qylmysker ustaldy

ÓSKEMEN. QazAqparat – Shyǵys Qazaqstan oblysynda jyl basynan beri izdeýde júrgen 40 qylmysker ustaldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary adam óltirgeni úshin sottalyp, keıin shartty túrde merziminen bosatylǵan soń baqylaýdan jasyrynǵan adamdy tapty.

- Óskemen qalasynyń krımınaldyq polıtsııa bóliminiń qyzmetkerleri jedel-izdestirý sharalaryn júrgizý kezinde 30 jastaǵy sottalǵan azamatty tapty. Er adam buǵan deıin QR QK-niń 99-baby 2-bóligimen (kisi óltirý) túrmege qamalǵan bolatyn. Sot qaýlysyna sáıkes ol shartty túrde merziminen buryn bosatylǵan, alaıda probatsııalyq baqylaýdan jasyrynǵan. Sol úshin oǵan qalalyq №2 sotynyń qaýlysymen izdeý jarııalandy, - delingen aqparatta.

Qazirgi ýaqytta er adam ýaqytsha ustaý ızolıatoryna qamaldy.

Aıta keteıik, jyl basynan beri Shyǵys Qazaqstan oblysynyń quqyq qorǵaý organdary izdeýdegi 40 qylmyskerdi ustady.