Bıyl ShQO aýmaǵynda oryn alǵan jol-kólik oqıǵalarynyń saldarynan 11 bala kóz jumyp, 95-i jaraqattandy
ÓSKEMEN. 10 qazan. QazAqparat - Aǵymdaǵy jyldyń 9 aıynda Shyǵys Qazaqstan oblysynyń aýmaǵynda kámelettik jasqa tolmaǵan 11 jasóspirimdiń qaza bolýy men 95 balanyń jaraqattanýyna ákep soqqan 99 jol-kólik oqıǵasy tirkeldi.
Árbir 5-shi apat balalardyń kinásinen oryn aldy, dep habarlady oblystyq jol polıtsııasy.
Vedomstvo mamandarynyń pikirinshe, balalardyń jol-kólik oqıǵasynan zardap shegýiniń aldyn alý jumystary júıeli ári keshendi túrde ótkizilip turýy qajet.
Aıta keteıik, aǵymdaǵy jyly Semeıde oqys oqıǵa oryn aldy. Anasynyń qolynda bolǵan 1 jasar bala sytylyp ketip, júrip bara jatqan kóliktiń astyna túsip ketken. Semeı qalasynyń shet aımaǵynda ákesi balalaryn oınatpaq bolyp, rezeńke dóńgelekke otyrǵyzyp, óziniń «Nonda» jeke kóliginiń artyna baılap qoıǵan. Balalar tas joldyń ortasynda aýytqyp ketip, qarsy baǵytta kele jatqan kólikke tap bolǵan.
