Bıyl shildede jumyspen qamtylǵan halyqtyń sany 8 mln. 116,5 myń adamdy qurady - G.Ábdiqalyqova
STANA. Qazannyń 12-si. QazAqparat /Marlan Jıembaı/ - Aǵymdaǵy jyldyń shilde aıynda jumyspen qamtylǵan halyqtyń sany 8 mln. 116,5 myń adamdy qurady. Bul týraly búgin 9 aıdy qorytyndylaǵan Úkimet otyrysynda QR Eńbek jáne halyqty áleýmettik qorǵaý mınıstri Gúlshara Ábdiqalyqova málim etti.
Elimizdiń Statıstıka agenttiginiń derekterine súıengen mınıstr: «Respýblıka boıynsha jalpy alǵanda 2010 jylǵy shildede jumyspen qamtylǵan halyqtyń sany 8116,5 myń adamdy qurady, bul 2009 jyldyń sáıkes kezeńimen salystyrǵanda 2,8 paıyzǵa artyq. Sondaı-aq ortasha aılyq jalaqy 82282 teńgege, onyń ishinde iri jáne orta kásiporyndarda 85157 teńgege teń. Al bul kórsetkish ótken jyldyń sáıkesinshe kezeńmen salystyrǵanda 118 paıyzdy quraıdy», - dedi.
G.Ábdiqalyqovanyń alǵa tartqan derekterine qaraǵanda, aǵymdaǵy jyldyń ekinshi toqsanynda jumyssyz halyqtyń sany 504 myń adamdy, al jumyssyzdyq deńgeıi - 5,8 paıyzdy qurady. Bul 2009 jyldyń sáıkes kezeńinde 6,7 paıyz bolatyn.
