Bıyl shetelde magıstratýra men rezıdentýrada oqýǵa 385 stıpendııa qaralǵan

NUR-SULTAN. QazAqparat - Erlan Qarın Shetelde kadrlar daıarlaý jónindegi respýblıkalyq komıssııasynyń otyrysyn ótkizdi, dep habarlaıdy Aqorda.

Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti.

Komıssııa sheshimimen magıstratýra, doktorantýra, rezıdentýra baǵdarlamasy boıynsha 84 azamatqa «Bolashaq» halyqaralyq stıpendııasy berildi.

Otyrys barysynda Prezıdent Qasym-Jomart Toqaevtyń «Bolashaq» baǵdarlamasyn qaıta baǵdarlaý jónindegi tapsyrmasyn oryndaý máselesi talqylandy.

Injenerlik-tehnıkalyq kadrlardy daıarlaýǵa basty nazar aýdaryldy.

Bıyl magıstratýra men rezıdentýrada oqý úshin 385 stıpendııa, doktorantýraǵa 60 stıpendııa bólindi.

Otyrys qorytyndysy boıynsha Memlekettik keńesshi birqatar naqty tapsyrma berdi.

Foto: akorda.kz