Bıyl shetelde demalǵan qazaqstandyqtar sany 109,7% artty

NUR-SULTAN. QazAqparat – Qazaqstanda jyl basynan bergi alty aıda 2,8 myń adam shetelge demalýǵa barǵan. QazAqparat bul týraly Ulttyq statıstıka bıýrosyna silteme jasap habarlaıdy.

«2022 jyldyń birinshi jartyjyldyǵynda 2 814 myń adam shetelge demalysqa shyqty. Ótken jyldyń sáıkes kezeńimen salystyrǵanda bul 109,7% kóp», - delingen málimette.

Alaıda bul pandemııaǵa deıingi kórsetkishterge jetpeıdi. Mysaly, 2019 jyldyń birinshi jartyjyldyǵynda Qazaqstanda turyp jatqan 4,9 mln adam shetelde demalǵan.

«Sondaı-aq 2022 jyldyń birinshi jartysynda ótken jyldyń sáıkes kezeńimen salystyrǵanda elge kelgen týrıster sany kóbeıdi. Kórsetkish 132,5% artyp, 1 284 myń adamdy qurady», - delingen statıstıkalyq aqparatta.

Munda da karantınge deıingi kórsetkishter áldeqaıda joǵary bolǵan. Atap aıtqanda, 2019 jyldyń birinshi jartyjyldyǵynda Qazaqstanǵa 3,8 mln týrıst kelgen.

«Іshki týrızm boıynsha 2021 jyldyń uqsas kezeńimen salystyrǵanda demalys oryndaryna barýshylar sany 26,8% artqan. Bıylǵy qańtar-maýsym aılarynda el ishinde demalǵandar sany 2 679 myń adamdy qurady. Aıta keteıik, bul kórsetkish 2019 jyldyń deńgeıine qaıta oralyp otyr.

Birinshi jartyjyldyqta kýrort aımaqtaryna 1167,8 myń ishki jáne 166,6 myń syrttan kelgen demalýshy barǵan», - dedi Ulttyq statıstıka bıýrosynan.

Foto: 24minus.ru