Bıyl shet elderdegi qandastarymyz saqtap júrgen jádigerler zertteledi
ASTANA. QazAqparat - 2016 jyly shet elderdegi qandastarymyz saqtap júrgen jádigerler zertteledi. Bul týraly búgin Qazaqstandyq ulttyq goegrafııalyq qoǵamynyń «Sh. Ýálıhanovtyń kerýen jolymen» ekspedıtsııasynyń jetekshisi, L.N Gýmılev atyndaǵy EUÝ professory Ordenbek Mazbaev málim etti.
«Shet elderdegi qandastarymyzdyń qolyndaǵy jádigerler bizderdi tańǵaldyrýda jáne qyzyqtyrady. Bıylǵy jazda Eýrazııa ulttyq ýnıversıtetiniń mereıtoıyna arnalǵan ekspedıtsııalyq baǵdardy uıymdastyrmaqpyz. Osy oraıda kórshiles Qytaı, Reseı jáne Mońǵolııa jerindegi qazaqtardyń etnografııasyn, salt-dástúri, mádenıeti týraly málimetter jınap kelmekshimiz»,-dedi O. Mazbaev Ortalyq kommýnıkatsııalar qyzmetindegi baspasóz máslıhatynda.
Bul turǵyda ǵalym bul ekspedıtsııaǵa qatysýǵa nıettilerdi qabyldaýǵa daıyn ekenin jetkizdi.
«Osy ekspedıtsııadan basqa bizder Ortalyq Azııa elderine baǵdarlardy belgilep otyrmyz. Sondyqtan 2016 jyly birneshe ekspedıtsııalar josparlanyp otyr jáne sonyń nátıjesinde qundy materıaldar men jádigerlerdi mindetti túrde jarııalaıtyn bolamyz»,-dedi ol.
