Bıyl shekara qyzmetiniń barlyq jeke quramy kezekten tys attestattaýdan ótedi
ASTANA. 30 qańtar. QazAqparat - Shekara qyzmetiniń barlyq jeke quramy kezekten tys attestattaýdan ótedi. Búgin Aqordada QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótken keńeste Elbasy Nursultan Nazarbaev osylaı dedi.
Elbasy óz sózinde jahandyq jáne óńirlik ahýaldyń ózgerý baǵyttaryn eskere otyryp, Qazaqstannyń syrtqy shekarasyn qorǵaý boıynsha keshendi sharalar qabyldaý qajettigin basa aıtty. Ulttyq qaýipsizdik komıteti Shekara qyzmetin kúsheıtý jáne reformalaý mańyzdylyǵyn da atap ótti. Saraptama negizinde Shekara qyzmetin damytýdyń jáne 2020 jylǵa deıin memlekettik shekarany ornalastyrýdyń keshendi josparyn ázirlep, usyný qajettigin eskertti. Sondaı-aq aǵymdaǵy jyly Shekara qyzmetiniń barlyq jeke quramynda kezekten tys attestattaý ótkizý kerektigin aıtty.
