Bıyl shegirtkeler egistik alqaptaryna qansha zııan keltirdi
«Shegirtke tektes zııankesterge qarsy qorǵanys is-sharalary elimizdiń barlyq aımaqtarynda ótkizilýde. Búgingi kúni 1 612,323 myń gektar nemese óńdeýge jatqyzylǵan kólemniń 99,78 paıyzy óńdeldi. Aqtóbe men Qostanaı oblystarynyń shekaraǵa jaqyn aýdandarynda eki sharýashylyqtyń 20 myń gektar, onyń ishinde «Qumqudyq» jaýapkershiligi shekteýli seriktestiginiń 10 myń, «Altynsarın» jaýapkershiligi shekteýli seriktestiginiń 10 myń gektar aýyl sharýashylyǵy egistikterine shegirtke tektes zııankesterdiń ushyp kelgeni anyqtaldy», - dep atap ótedi mınıstrlikten agenttiktiń resmı saýalyna oraı.
Atalǵan taralý oshaqtarynda shegirtke tektes zııankesterge qarsy hımııalyq óńdeý jumystary júrgizilgen. Aýyl sharýashylyǵy daqyldarynyń zaqymdanǵany baıqalmaǵan.
«Sonymen qatar Qostanaı oblysyndaǵy Jangeldi aýdanynda «Almaz» sharýa qojalyǵynyń 10 myń gektar egistikterine shegirtke tektes zııankesterdiń ushyp kelgeni belgili boldy. Shegirkeler qonystanǵan aýmaqtar zerttep-qaralyp, hımııalyq óńdeý júrgizildi. Tek 0,5 myń gektar egistiktiń búlingeni tirkeldi. Kelgen shyǵyndy óteý qarastyrylmaǵan», - dedi vedomstvodan.
