Bıyl shamamen 34 myń grant bólinedi
ASTANA. QazAqparat - Aǵymdaǵy jyly shamamen 34 myń grant bólinedi. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Aslan Sárinjipov málim etti.
«Aǵymdaǵy jyly shamamen 34 myń grant bólinedi. Onyń shamamen 12 myńy tehnıkalyq mamandyqtarǵa bes myńǵa jýyǵy pedagogıkalyq mamandyqtarǵa, shamamen 2600-i aýyl sharýashylyǵy mamandyqtaryna beriledi», - dedi ol. Mınıstrdiń atap ótýinshe, máselen, talapker ulttyq joǵary oqý ornyna túsý úshin 70, agrarlyq ýnıversıetterge 60, al qalǵan oqý oryndaryna 50-den joǵary ball jınaýy tıis. Onyń aıtýynsha, UBT osy jyldyń 2-9 maýsymy aralyǵynda arnaıy jabdyqtalǵan 155 pýnkte ótedi. 107 UBT ótkizý pýnkti aýdan ortalyqtaryndaǵy mektepterde, 48-i oblystyq jáne Astana men Almaty qalalaryndaǵy joǵary oqý oryndarynda ornalasady. «Barlyǵy 1585 aýdıtorııa qoldanylady, BǴM-nen 1700 baqylaýshy jiberiledi. Bazadaǵy test tapsyrmalarynyń jalpy sany 176 myńdy quraıdy. Oǵan qosymsha 14 myń test tapsyrmalary ázirlendi», - dedi A.Sárinjipov.
