Bıyl shaǵyn jáne orta bızneske 2,5 trln teńge nesıe beriledi
Jyl sońyna deıin shaǵyn jáne orta bıznes ókillderine beriletin jeńildetilgen nesıeniń kólemi 2,5 trln teńgege jetedi. Bul týraly Ulttyq ekonomıka mınıstri Áset ErǵalıevÚkimet otyrysynda aıtty.
«2020 jyldyń 3 toqsanynda ekonomıkadaǵy shaǵyn jáne orta bıznestiń úlesi 30,5 paıyzǵa jetti. Shaǵyn jáne orta bıznes sýbektilerimen 2020 jyly 32,7 trln. teńgege ónim shyǵaryldy», - dedi vedomstvo basshysy.
Onyń sózine qaraǵanda, qazirgi tańda atalmysh sala 3,4 mln adamdy jumyspen qamtyp otyr. Mınıstr «Іskerlik ahýaldy jaqsartý boıynsha qabyldanǵan reformalar Qazaqstanǵa 2019 jyly Doing Business reıtınginde 25 orynǵa kóterilýge múmkindik bergenin eske aldy.
«Pandemııa jaǵdaıynda jáne kásipkerler úshin jalǵasyp jatqan shekteýler kezeńinde shaǵyn jáne orta bıznesti qoldaý erekshe ózekti bolyp otyr. Osyǵan baılanysty, aǵymdaǵy jyly Shaǵyn jáne orta bıznesti jeńildikpen nesıelendirý jumystary jalǵasýda. Osy jyldyń birinshi toqsanynda 663 mlrd. teńge somasyna 16 myńnan astam joba jeńildetilgen qarjylandyrý aldy. Jyl qorytyndysy boıynsha 2,5 trln teńgege jeńildetilgen nesıemen 47 myńnan astam joba qamtamasyz etiledi», - dedi Áset Erǵalıev.
