Bıyl segiz aıda eksport 50% ósti

ASTANA. QazAqparat – Bıylǵy 8 aıda syrtqy saýda taýar aınalymy 86,3 mlrd AQSh dollaryn qurady. Bul týraly Úkimet otyrysynda QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Bıylǵy qańtar-tamyzda syrtqy saýda taýar aınalymy 36,3 % ósip, 86,3 mlrd AQSh dollaryn qurady. Onyń ishinde eksport boıynsha kórsetkish 50,6 % ósip, 56 mlrd AQSh dollaryna deıin jetti. Bul rette óńdelgen taýarlar eksporty 36,5 % ulǵaıyp, 16,6 mlrd AQSh dollaryn qurady», - dedi Á. Qýantyrov.

Onyń aıtýynsha, taýarlar ımporty 30 mlrd AQSh dollaryna jetti.

«Jalpy, oń saýda balansy 26,4 mlrd AQSh dollaryn qurady», - dedi mınıstr.

Budan buryn habarlanǵandaı, bıylǵy qańtar-qyrqúıekte Qazaqstan ekonomıkasynyń ósý qarqyny 2,8 paıyzdy qurady.