Bıyl Saıası qýǵyn-súrgin qurbandaryn eske alý kún qalaı atap ótiledi

ASTANA. QazAqparat – Premer-Mınıstrdiń orynbasary Altaı Kólginov Májilis depýtattarynyń saýalyna bergen jaýabynda ashtyq jáne saıası qýǵyn-súrgin qurbandaryn eske alý jumystary qalaı uıymdastyrylatynyn aıtqan, dep habarlaıdy QazAqparat tilshisi.

«Qazaqstan Respýblıkasyndaǵy merekelik kúnderdiń tizbesine sáıkes 31 mamyr kúni - Saıası qýǵyn súrgin jáne asharshylyq qurbandaryn eske alý kúni bolyp belgilengen. Osy ataýly kún aıasynda respýblıka boıynsha eske alý sharalary men ekskýrsııalar uıymdastyrylyp, telearnalarda Alash qaıratkerleriniń murasy dáripteledi. Aqparattyq jumys aıasynda memlekettik telearnalarda taqyryptyq serıaldar men derekti fılmder kórsetiledi», - dep jazady vıtse-Premer.

Bıyl 31 mamyrda telearnalarda kórsetiletin ónimderdiń tizimi jasalyp jatqan kórinedi.

«Onyń ishinde «Alash» qozǵalysyna arnalǵan baǵdarlamalar men derekti fılmder ázirlenýde. Byltyr Mádenıet jáne sport mınıstrligi «Caıası qýǵyn-súrgin qurbandaryn tolyq aqtaý jónindegi memlekettik komıssııanyń materıaldary» arhıvtik jınaǵyn basyp shyǵardy. Sonymen qatar Alash qaıratkerleriniń murasyn jastarymyzǵa jetkizý maqsatynda 2023 jyly jalpy bilim berý mektepterinde arnaıy synyp saǵattary ótkiziletin bolady. Osyndaı sharalar joǵary jáne orta arnaýly oqý oryndarynda josparlanǵan», - delingen jaýapta.