Bıyl salyq 31%-ǵa kóp túsken

NUR-SULTAN. QazAqparat - 2021 jyldyń qańtar-qyrkúıek aılarynda memlekettik bıýdjetke salyqtyq túsim boıynsha jospar 103,8%-ǵa oryndaldy. Jáne ótken jyldyń uqsas kezeńimen salystyrǵanda 30,8%-ǵa nemese 1 775,7 mlrd teńgege ósti, dep habarlaıdy QazAqparat Kirister komıtetine silteme jasap.

2020 jyldyń uqsas kezeńimen salystyrǵanda respýblıkalyq bıýdjetke eń kóp túsimderdiń ósýi munaıǵa salynatyn eksporttyq keden bajdarynan 352,5 mlrd teńgege nemese 1,9 ese, korporatıvti tabys salyǵy 390,8 mlrd teńgege nemese 44,9%-ǵa, EAEO elderinen ımportqa qosylǵan qun salyǵy 171,5 mlrd. teńgege nemese 36,6%-ǵa, úshinshi elderden ımportqa qosylǵan qun salyǵy 105,2 mlrd. teńgege nemese 22,7%-ǵa jáne paıdaly qazbalardyń óndirisine salynatyn salyǵy 103,7 mlrd teńgege nemese 46,8%-ǵa óskeni baıqalady.

Túsimderdiń ósýine mynadaı faktorlar áser etti.

«Ótken jyldyń uqsas kezeńimen salystyrǵanda aǵymdy jyldyń 9 aıynda negizgi eksporttyq pozıtsııalarǵa baǵanyń ósýi baıqalady, onyń ishinde munaıǵa 64,5%-ǵa, mysqa 57,3%-ǵa, alıýmınııge 44,2%-ǵa, myryshqa 34,0%-ǵa, kúmiske 33,8%-ǵa, qorǵasynǵa 19,7%-ǵa jáne altynǵa 3,8%-ǵa. $ baǵamy 1 teńgege 3,9%-ǵa ósti. Munaıǵa salynatyn áketý kedendik bajdary 24,3%-ǵa ósti

Úshinshi eldermen taýar aınalymy 2021 jyldyń qańtar-qyrkúıek aılarynda 8,2%-ǵa ósti.

2021 jyldyń 9 aıynda ótken jyldyń uqsas kezeńimen salystyrǵanda taýar aınalymy 28,7%-ǵa ósti.

Qosylǵan qun salyǵy túsiminiń 40% quraıtyn iri salyq tóleýshilerdiń taýar aınalymy 18,4%-ǵa ósti.

Kórsetilgen kezeńge bir salyq tóleýshige onlaın baqylaý-kassa mashınasynan ortasha túsimi 11,8%-ǵa ósti.