Bıyl salalyq baǵdarlamalar sany 44-ten 14-ke deıin qysqaratyn bolady
ASTANA. QazAqparat - Aǵymdaǵy jyly elimizdegi salalyq baǵdarlamalar sany 44-ten 14-ke deıin qysqarady. Bul týraly búgin Parlament Senatynda ótip jatqan Úkimet saǵatynda Ekonomıka jáne bıýdjettik josparlaý mınıstri Erbolat Dosaev málim etti.
Erbolat Dosaevtyń sózine qaraǵanda, Ekonomıka mınıstrligi byltyrǵy jyly qoldanystaǵy memlekettik jáne salalyq baǵdarlamalarǵa baǵalaý jáne tekserý júrgizgen. Osyǵan oraı, qazirgi ýaqytta memlekettik organdar tekserýdiń qorytyndylaryn júzege asyrýǵa kirisken.
«Atap aıtqanda, óńirlerdi damytýǵa baǵyttalǵan sharalardyń tıimdiligin arttyrý maqsatynda bes salalyq baǵdarlama Óńirlerdi damytýdyń biryńǵaı baǵdarlamasyna enetin bolady. Al ındýstrııalyq-ınnovatsııalyq saıasattyń tıimdiligin arttyrý úshin on tórt salalyq baǵdarlama Údemeli ındýstrııalyq-ınnovatsııalyq damýdyń memlekettik baǵdarlamasyna ótedi. Sonymen qatar, shaǵyn vedomstvolyq sıpattaǵy baǵdarlamalar memlekettik organdardyń strategııalyq josparlaryna enedi. Nátıjesinde 2014 jyly salalyq baǵdarlamalar sany 44-ten 14-ke qysqarady», - dedi mınıstr E. Dosaev.
