Bıyl respýblıkalyq mańyzy bar avtojoldardyń 5,8 myń shaqyrymy aqyly bolady

NUR-SULTAN. QazAqparat – «Qýatty óńirler – el damýynyń draıveri» ulttyq jobasyn iske asyrý aıasynda bıylǵy jyly respýblıkalyq mańyzy bar avtojoldardyń 5,8 myń shaqyrymyn aqyly etý jumystary kezeń-kezeńmen engizilmek.

Bul týraly QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Atalǵan júıeni bıyl maýsym aıynda iske qosý josparlanǵan bolatyn.

Alaıda, tasymaldaýshylar tarapynan kóptegen narazylyqtar boldy. Olardyń negizgi talaby – joldardyń jaǵdaıyn qalypqa keltirý bolǵandyqtan, aqyly júıene engizý keıinge shegerildi.

Osy ýaqyt ishinde Avtomobıl joldary komıtetiniń, «QazAvtoJol» UK» AQ, «Jol aktıvteriniń ulttyq sapa ortalyǵy» RMK qyzmetkerleri, Kólik komıtetiniń kóliktik baqylaý ınspektsııasy ýchaskelerde komıssııalyq tekserýdi júzege asyrdy.

Onyń qorytyndysy boıynsha birqatar is-sharalar aıqyndalyp, jabyndyny normatıvtik jaǵdaıǵa keltirý boıynsha jumystar júrgizildi.

Uzyndyǵy 5,8 myń shaqyrym bolatyn ýchaskelerde aqyly júıeni kezeń-kezeńmen engizý jospary ázirlendi:

- 1-kezeńde, ıaǵnı bıylǵy jyldyń 15 qarashasynda aqyly júıe jalpy uzyndyǵy 1,8 myń shaqyrym bolatyn, 4 jolaqty qozǵalysy bar birinshi sanattaǵy respýblıkalyq mańyzy bar avtojoldardyń 7 ýchaskesinde engiziletin bolady. Bul kelesideı ýchaskeler:

- «Nur-Sultan – Pavlodar»;

- «Qapshaǵaı – Taldyqorgan»;

- «Taraz – Qaınar»;

- «Shymkent – Taraz»;

- «Shymkent – Qyzylorda»;

- «Shymkent – Tashkent»;

- «Şýchınsk – Kókshetaý».