Bıyl respýblıkalyq bıýdjet kiristeri 279 mlrd teńgege artyq oryndalatyndyǵy boljanady

NUR-SULTAN. QazAqparat – Bıyl respýblıkalyq bıýdjet kiristeri 279 mlrd teńgege artyq oryndalatyndyǵy boljanady. Bul týraly búgin Úkimet otyrysynda 2021 jylǵa arnalǵan naqtylanǵan áleýmettik-ekonomıkalyq damý boljamdy jarııa etken QR Ulttyq ekonomıka mınıstri Áset Erǵalıev aıtty, dep habarlaıdy qazAqparat tilshisi.

Túzetilgen makroekonomıkalyq boljam negizinde 2021 jylǵa arnalǵan respýblıkalyq bıýdjet parametrleriniń boljamy naqtylandy. Respýblıkalyq bıýdjettiń kiristeri (transfertterdi esepke almaǵanda) 2021 jyly 7 204 mlrd teńge kóleminde baǵalanady. Bul bekitilgen jospardan 279 mlrd teńgege joǵary. Ulttyq qordan kepildendirilgen transfert ózgermeıdi jáne 2 700 mlrd teńge mólsherinde saqtaldy», - dedi mınıstr.

Onyń atap ótýinshe, Ulttyq qordan nysanaly transfert 1 trln teńgeden 1 850 mlrd teńgege deıin ulǵaıdy.

«Respýblıkalyq bıýdjet shyǵystary 15 334 mlrd teńge kóleminde boljanyp otyr. Bul bekitilgen kórsetkishke qaraǵanda 1 285 mlrd teńgege ulǵaıtylady. Bıýdjet tapshylyǵy jalpy ishki ónimge qatysty 3,5 paıyz deńgeıinde boljanyp otyr», - dedi Áset Erǵalıev.