Bıyl respýblıkalyq avtojoldardy qaıta salý jumystarynda 1 111 shaqyrym qamtyldy
ASTANA. QazAqparat - Aǵymdaǵy jyly respýblıkalyq avtojoldardy qaıta salý jumystarynda 1 111 shaqyrym qamtyldy. Bul týraly «QazAvtoJol» kompanııasy habarlady.
«Bıyl qurylys-montajdaý jumystary 1 111 shaqyrymdaǵy 46 nysanda júrip jatyr, onyń ishinde jyl qorytyndysy boıynsha 420 shaqyrymy paıdalanýǵa beriledi. Búginde ýchaskelerde 3 myńǵa jýyq tehnıka jumyldyrylǵan. Jyldyq jospardan negizgi qurylys materıaldarynyń 50 paıyzy daıyndaldy»,-delingen kompanııa málimetinde.
Qazirgi kezde «Almaty - Taldyqorǵan» jáne «Astana - Pavlodar» avtomobıl joldarynda alǵashqy 20 shaqyrymdyq tsement-beton jamylǵysy tóseldi.
