Bıyl respýblıka mektepterinde 2,5 mıllıonnan astam shákirt bilim alady
ASTANA. 1 qyrkúıek. QazAqparat - Búgin - Bilim kúni. Dál osy kúni respýblıka mektepterinde 2,5 mıllıonnan astam shákirt, onyń 265 myń búldirshin alǵash ret mektep tabaldyryǵyn attaıdy.
Jalpy respýblıkada qazaq tilinde oqytatyn 3838 mektep jáne orys tilinde oqytatyn 1442 mektep bar (orta jáne joǵary oqý oryndary janyndaǵy mektepterdi, arnaıy túzetý mektepterin qospaǵanda).
Sonymen qatar 60 mektepte sabaq - ózbek tilinde, 13 mektepte - uıǵyr, 8 mektepte - aǵylshyn, jáne 2 mektepte - tájik tilinde júrgiziledi. Oǵan qosa, 2161 mektepte sabaqtar eki nemese odan kóp tilderde júrgiziledi.
Ústimizdegi jyldyń 1 qyrqúıegine bıylǵa josparlanǵan 159 jańa mekteptiń 77-si ashylsa, qalǵanyn osy jyldyń sońyna deıin paıdalanýǵa berý kózdelýde.
6 183 mektepte ondaǵy oqýshylardyń 80 paıyzyna ystyq tamaq beriledi, 2015 jylǵa qaraı bul kórsetkishti 100 paıyzǵa jetkizý kózdelip otyr. Tegin tamaqpen negizinen turmysy nashar otbasylardan shyqqan balalar qamtylǵan.
Mektepterde 292 064 ustaz, onyń 9645-i jas muǵalimder jumysqa kirisedi. Degenmen, matematıka, hımııa, fızıka, aǵylshyn tili sııaqty salalyq pánder boıynsha barlyǵy 1934 muǵalimge suranys bar.
